Fréttir

Það er heldur betur búið að vera nóg í gangi á KA-svæðinu undanfarna daga en meistaraflokkslið félagsins léku fjóra heimaleiki á fjórum dögum frá föstudegi til mánudags. Þórir Tryggvason ljósmyndari var eins og svo oft áður á svæðinu og býður til myndaveislu frá öllum leikjunum

Úrslitakeppnin í blaki er í fullu fjöri þessa dagana þar sem bæði karla- og kvennalið KA standa í eldlínunni í undanúrslitum Íslandsmótsins. Deildarkeppninni lauk á dögunum þar sem kvennalið KA stóð uppi sem Deildarmeistari og karlalið KA vann neðri krossinn

Þröstur Leó Sigurðsson gerði sér lítið fyrir og varð Íslandsmeistari í U15 ára um helgina. Þröstur sem hefur æft af kappi í vetur sigraði allar sínar viðureignir á Ippon. KA fór með tíu manna keppnishóp á Íslandsmótið og náði hópurinn frábærum árangri

Fótboltaveisla sumarsins fór af stað á sunnudaginn er KA tók á móti HK í fyrstu umferð Bestudeildarinnar. Aðstæður voru nokkuð krefjandi en engu að síður mættu tæplega 500 manns á leikinn og þökkum við ykkur kærlega fyrir stuðninginn

Karlalið KA í blaki tryggði sér sæti í undanúrslitum úrslitakeppninnar á dögunum með frábærum 3-1 heimasigri á liði Þróttar Fjarðabyggðar. Strákarnir unnu þar með einvígið 2-0 en þeir höfðu áður unnið 0-3 sigur fyrir austan

Einar Rafn Eiðsson gerði sér lítið fyrir og tryggði sér markakóngstitilinn í Olísdeildinni annað árið í röð. Þetta er ótrúlegt en satt fjórða árið í röð sem að KA á markakóng deildarinnar en allir eru þeir örvhentir, sem er mögnuð staðreynd

KA gerði sér lítið fyrir og vann sannfærandi 34-29 heimasigur á sterku liði Vals í síðasta heimaleik strákanna í Olísdeildinni á dögunum. Með sigrinum lyfti KA liðið sér upp í 7. sæti deildarinnar og er nú öruggt um sæti í úrslitakeppninni. Á sama tíma sló liðið Val út í baráttunnu um Deildarmeistaratitilinn

Valdimar Logi Sævarsson hefur skrifað undir nýjan samning við knattspyrnudeild KA og er nú samningsbundinn út sumarið 2026. Valdi er gríðarlega efnilegur og spennandi leikmaður sem hefur á undanförnum árum verið að vinna sér stærra og stærra hlutverk í meistaraflokksliði KA

Knattspyrnudeild KA barst í dag heldur betur stórkostlegur liðsstyrkur þegar Viðar Örn Kjartansson skrifaði undir samning við félagið. Viðar Örn er einhver allra mesti markaskorari í sögu Íslands og segir það ansi mikið um það umhverfi sem við höfum skapað hér fyrir norðan að Viðar Örn gangi í raðir KA